Segundo dixo este mércores a presidenta do Colexio de Farmacéuticos de Pontevedra, ata metade do ano que ven non haberá un subministro regular da vacina da Meninxite B nas farmacias. A preguntas dos xornalistas, Alba Sotelo respondeu que hai un problema de desabastecemento pola «alta demanda» da vacina.
Sotelo indicou que na actualidade todo segue igual e que o subministro é o mesmo que no mes pasado e que ata o segundo trimestre de 2016 non se estabilizará dado que cando se aprobara que a vacina se dispensase nas farmacias non agardaban tanta demanda, unha circunstancia que sorprendeu tamén aos laboratorios que terán que incrementar a súa produción.
