O Consello de Ministros autorizou este venres ao Ministerio de Fomento a licitar, por medio de ADIF Alta Velocidade, as obras de adaptación da estación de Compostela aos servizos de Alta Velocidade.
O obxectivo desta actuación, que conta cun orzamento de 19,1 millóns de euros, e un prazo de execución de ano e medio, é mellorar a explotación da estación á que chegarán o Eixe Atlántico, Vigo-A Coruña, e o treito Ourense-Santiago da futura liña de Alta Velocidade Madrid-Galicia.
