«Emerxencias», ese é o nome do un ciclo de cinema ao aire libre que terá lugar os xoves, ás 10 da noite, na praza que conforman as rúas San Sebastián e Ferrería, organizado pola Asociación de Veciños do Casco Vello, coa colaboración do Concello . O ciclo que durará ata o 24 de setembro, ofrecerá longametraxes, cine colectivo galego, web series e animación.
Segundo explicaron os directores do ciclo durante a rolda de prensa desta mañá, a programación será a seguinte: 20 de agosto. «Ciutat Morta»; 27 de agosto. «Canfaina Lab E Proxecto Nimbos»; 3 de setembro. «Rick And Morty vs Hora de Aventuras»; 10 de setembro. «The Act of Killing»; 17 de setembro. «Terra de Ninguèm»; 24 de setembro. «Venga Monjas».
