O alcalde apoiou este xoves o V Torneo 3×3 de baloncesto, organizado polo Club Seis do Nadal-Coia, e que se disputará o venres día 21- minibásquet infantil e cadete- e sábado, 22- junior e senior- no pavillón do Colexio Seis do Nadal.
Abel Caballero recibiu á directiva do clube e ao padriño da competición, o internacional vigués e xogador do Joventut, Alberto Abalde, co que falou da vindeira tempada e ao que felicitou no nome da cidade polos seus éxitos que agarda que continúen.
