Ducias de persoas, entre elas o alcalde de Arbo, Horacio Gil, e membros da Corporación, atenderon este luns o chamamento da Coordenadora Local da Marcha Mundial de Mulleres, e concentráronse diante do Museo de Arte Contemporáneo, en Príncipe, para denunciar e rexeitar o asesinato de Beatriz Rodríguez e a súa parella, Sergio Rodríguez, o venres en Arbo.
“Con ela sumamos outra muller máis en Galicia, no que vai de ano, vítima da violencia machista que paga coa súa vida a discriminación e a desigualdade que padecemos todas”, subliñou o comunicado da Marcha Mundial das Mulleres.
“Que a indignación de toda a sociedade rexeite este cruel asasinato e denuncie a violencia machista padecida polas mulleres e exercida contra elas polo feito de selo”.
