A xuíza que instrúe a causa contra o alcalde de Caldas de Reis e candidato á reelección, o socialista Juan Manuel Rey, volveu ditar un auto polo que dita a apertura de xuízo contra el.
A maxistrada aceptou o recurso presentado pola súa defensa para pedir a nulidade das actuacións polas que se decretou a apertura de xuízo o pasado mes de abril, pero ditou un novo auto de procesamento.
De confirmarse que Juan Manuel Rey ten que sentar no banco dos acusados, o código ético do seu partido impón a súa suspensión de militancia, situación que ata agora non se producira ao quedar en suspenso o xuízo oral decretado inicialmente.
Rey aínda non falou cos órganos superiores do PSdG-PSOE, pero como manifestou o seu secretario xeral, José Ramón Gómez Besteiro, en varias ocasións, o regulamento do partido é aplicable a todo seus cargo público e militante, “sexa quen sexa: ningún se sentará no banco como militante socialista”.
