No que vai de 2015 non se vendeu un so coche eléctrico en Galicia, segundo os datos difundidos pola Asociación Española de Fabricantes de Automóbiles e Camións (Anfac), eso sí, as matriculacións de vehículos híbridos chegaron ata as 60, máis do dobre que en xaneiro de 2014.
En todo o Estado, as vendas de automóbiles eléctricos alcanzaron un volume de 37 unidades no primeiro mes do ano, o que supón un aumento do 105,5% en comparación coas 18 unidades entregadas no mesmo mes de 2014.
Segundo datos do Instituto de Estudios de Automoción (IEA) para a Asociación Española de Fabricantes de Automóbiles e Camións (Anfac), en España comercializáronse un total de 1.475 vehículos híbridos no primeiro mes do ano, un 66,48% de suba se se compara coas 886 unidades matriculadas durante o mesmo mes do exercicio precedente.
