Os termómetros volveron descender por debaixo dos 9 graos centígrados negativos en puntos da provincia de Ourense, chegando ata os -9,2 graos en Verín. Segundo informa MeteoGalicia, a madrugada deste martes volveu ser de novo «moi fría», como a do luns, en toda Galicia, e as mínimas corresponderon a Verín con -9,2 graos baixo cero e Sarria (Lugo) con -7,6º.
Ademais, MeteoGalicia sinalou outros puntos significativos como Leiro, en Ourense, con -7,2 graos; Vilalba e Bóveda, con -7,1 e Rozas, con -6,7 graos, todos eles en Lugo.
Por cidades, en Vigo o termómetro baixou ata os 4,2 graos, en Ourense ata os -5,2, en Pontevedra ata os 0,4, Compostela, -0,1, Ferrol -0,5 graos, -4,5 en Lugo e A Coruña 2,3.
