A Xustiza decidiu desestimar os recursos presentados polo ex secretario xeral do PSdeG e actual deputado autonómico Pachi Vázquez contra a apertura do seu caso e contra a súa citación, de modo que terá que acudir o mércores a declarar como imputado por «un delito continuado de prevaricación».
O Tribunal Superior de Xustiza de Galicia (TSXG) quere escoitar a súa versión sobre un suposto caso de contratación irregular durante a súa etapa como alcalde do Carballiño, entre 1995 e 2005.
Ante a decisión da Sala do Civil e Penal do alto tribunal galego de admitir a trámite a querela presentada pola Fiscalía, dado que o socialista ourensano é aforado, este presentou un recurso para pedir o arquivo do caso, petición desestimada polo tribunal.
