A Praia da Punta, en Cesantes, será a primeira de Redondela no que se ice unha bandeira azul. Este venres, o alcalde Javier Bas recolleu a distinción en Vigo logo de que a Asociación de Educación Ambiental e do Consumidor (ADEAC) recoñecese que dispón, ademáis dunha calidade de augas exceocional, duns servizos axeitados para os seus usuarios.
Javier Bas, calificou este feito como “histórico” e amosou o seu “orgullo” polo feito de que recolla, ademáis, os criterios de seguridade e o respecto do medio ambiente. Bas subliñou que o reto é, ademáis de manter a calidade da praia, “por parte do concello e dos veciños”, traballar para “conquerir outras bandeiras azuis noutras praias de Redondela” e por iso, asegurou o obxectivo é que “nos vindeiros anos poidamos obter duas ou tres distincións como esta”.
