O período de entrega de solicitudes de renovación ou de novo ingreso para acceder ás escolas infantís municipais –de 0 a 3 anos- o curso 2014-2015, comeza o venres, 14 de marzo, e remata o 4 de abril de 2014. A Rede de Escolas Infantis Municipais (EIM) está integrada por un total de seis equipamentos, que poden escolarizar aproximadamente a preto de 500 nenos para o vindeiro curso.
Os requisitos específicos para ser adxudicatario/a de praza nas EIM son os seguintes: que a/o nena/o teña a súa residencia en Vigo e teña nacido antes do 21 de maio de 2014, ter unha idade mínima de 3 meses na data de ingreso e non ter cumpridos 3 anos o 31 de decembro de 2014
As escolas teñen un horario contínuo de 7 e media da mañá a 8 da tarde e, ao longo do mesmo, os nenos permanecerán un mínimo de 4 horas e un máximo de 8 horas.
Os interesados poderán solicitar praza a través do formulario normalizado de solicitude que pode ser recollido no Servizo Municipal de Educación, nas propias EIM, premendo aquí, ou ser descargado nas páxinas webs municipais: www.vigo.org e www.escolasvigo.org.
