Romanos en cuadrigas, a pé e protexendo a César, trogloditas, homes e mulleres saidos da corte de Luis XIV de Francia, as superviventes das Supremes, os mariñeiros- e mariñeiras– que foron a América na Pinta, replicantes de Dominguín, Lagartijo e Manolete, gladiadores, os escapados da corte de Calígula, Bárcenas, un xuiz do Supremo, un avogado defensor da fiscalía e mesmo un mamut que sobreviviu ás glaciacións coláronse este domingo entre as comparsas de Entroido que sairon á rúa en Vigo.
Todos eles agardaban que deixase de caer o diluvio universal- logo de sair dos leóns, os gladiadores, dos cometas, o mar, o cabalo do emperador, a ‘Islero’ ou ‘Pendenciero’ e mesmos os diplodocus- para deixarse ver este ano, pasados o aplazamentos e mesmo os funerais do Meco.
E non defraudaron, ao contrario, contaxiaron a centos de personas que andiveron polo centro facendo de piratas, candangas, carrapuchiñas, lobos moi pouco feros, avoiñas que dan medo, pantasmas, abellas, ouvellas, cazadores, ou peixes, con e sen escamas.
Todos eles despediron- iso sí por todo o alto- o Entroido 2014, o máis longo do que vai de século, que por pouco chega ata a Reconquista, na que a cidade pasará a mans dos franceses- por pouco tempo- e aos incondicionais de Cachamuiña e Vázquez Varela.
