A morte doutro paciente ingresado no Hospital Universitario Lucus Augusti (HULA) de Lugo eleva a 27 o número de falecidos en Galicia en relación co virus da gripe. Segundo a Consellería de Sanidade, o último paciente falecido presentaba factores de risco.
Así, o novo falecido en Lugo súmase a outros 26 pacientes que morreran ingresados en hospitais de Ourense, 1, Vigo, 6, Santiago, 2, Lugo, 1, Ferrol, 3, Pontevedra, 3, e A Coruña, 10.
En total, a cifra de pacientes hospitalizados en Galicia debido ao virus da gripe sitúase este mércores en 111, segundo os datos achegados por Sanidade, dos cales 29 atópanse na Unidade de Coidados Intensivos (UCI) dos centros correspondentes.
