Centos de personas acudiron á convocatoria da Iniciativa Galega en Defensa da Gratuidade dá Sanidade e sairon á rúa en Compostela- con representación de 150 concellos do país- baixo o lema ‘O copagamento mata. Por unha sanidade galega e gratuíta‘. Con esta mobilización querían esixir á Xunta que non aplique a norma do Ministerio de Sanidade que obriga ao copagamento dos fármacos de dispensa hospitalaria.
Segundo manifestou o alcalde de Riotorto, “as nosas demandas non se negocian” e as mesmas, subliñou, “pasan porque a Xunta pida a derogación do decreto de copagamento dos productos ortoprotésicos e do transporte sanitario non urxente”. Federico Gutiérrez salientou que non se acabarán as mobilizacións para que non se chegue a aplicar este «repagamento» e reiterou que, no caso de que se produza, será asumido polos concellos que apoian á Iniciativa Galega en Defensa da Gratuidade dá Sanidade.
«Chegado o momento, malia que non é a nosa competencia, asumiremos ese copagamento porque gobernar é priorizar e a nosa prioridade é que ningún dos nosos veciños abandone os seus tratamentos por non poder pagalos».
Pola súa banda, o alcalde de Allariz e vicepresidente da da Federación Galega de Municipios e Provincias (Fegamp), Francisco García, explicou que “para facer fronte aos gastos sanitarios xa están os impostos”.
