O ministro de Economía dixo este venres que o Fondo de Reestruturación ordenada Bancaria (FROB) abrirá o martes o proceso de ofertas vinculantes para a venda de Novagalicia Banco e que espera que a decisión sobre a adxudicación se adopte nun prazo máximo dun mes.
«O martes hai reunión da xunta do FROB e ábrese xa o proceso de ofertas vinculantes», explicou Luis de Guindos en rolda de prensa durante a reunión do Ecofin. «Cremos que vai haber bastantes ofertas vinculantes ao respecto e nun prazo de tres catro semanas o FROB tomará unha decisión da quen se adxudica Novagalicia», sinalou o ministro de Economía.
Guindos subliñou, ademais que o FROB non recibiu ningunha queixa de fondos de investimento sobre o procedemento de venda do Novagalicia Banco.
