Afectados pola compra de Preferentes do Baixo Miño, sumánse este venres a outras plataformas e iniciarán a retirada dos seus aforros de Novagalicia Banco. Segundo explicaron fontes deste colectivo, a retirada de fondos comezará na sucursal desta entidade no Rosal, nun acto reivindicativo previsto para as 11 e media.
A devandita plataforma esixiu ao Concello de Tui que cumpra o acordo aprobado en pleno, hai máis dun ano, e peche as súas contas en NCG. Os afectados consideran que este é un «momento crucial» para incrementar a presión e lograr que se reabra a vía da arbitraxe, por iso piden que este concello siga o exemplo doutras casas do concello como Pontevedra ou Silleda.
