RGPD - Cookies
Galicia

572.000 desprazamentos polas estradas galegas, dende hoxe, coincidindo coa operación saída do verán

A Dirección Xeral de Tráfico (DGT) prevé uns 572.000 desprazamentos na rede viaria de Galicia no inicio da operación especial de verán, que empeza este venres. Segundo os datos facilitados pola DGT, Galicia rexistrará un 11% dos 5,2 millóns de movementos previstos entre este 28 de xuño e o 1 de xullo.

En todo o mes de xullo, Tráfico calcula que haberá en Galicia uns 3.825.000 desprazamentos por estrada, o 10% dos 38.250.000 estimados en toda España ata o día 31. Mentres, en todo agosto esperan uns 4.592.000 movementos na rede viaria galega, o 11% dos 41.750.000 desprazamentos de todo o país, ascendendo o total do verán en Galicia a 8,8 millóns, o 11% dos 80 millóns estimados en toda España.

Dende as 3 da tarde deste venres ata as 12 da noite do luns 1 de xullo, as estradas de Galicia afectadas por maior intensidade de tráfico nesta operación especial de verán serán a AP-9, A-6, A-52, A-55, N-550 e N-634.

Así mesmo, Galicia rexistrará 27 puntos conflitivos, segundo indica a DGT, na súa rede viaria, 11 deles na provincia de A Coruña, outros 11 na de Pontevedra, tres na de Ourense e dous en Lugo.

Na provincia coruñesa os puntos conflitivos localizaranse nos accesos a A Coruña a AC-12 e AC-11; na AG-11; N-550; N-651; AP-9; A-6; AC-552; AC-173; AG-56 e AG-55.

Mentres, na provincia de Pontevedra a DGT apunta puntos conflitivos na a-55, PO-11, PO-531, PO-308, PO-315, PO-551, PO-552, PO-542, PO-325, AG-41 e VG-4.1. A estes súmanse a N-120, N-525 e OU-540 na de Ourense e en Lugo as LU-DP-0610 e N-634.

 

También te puede interesar