A secretaría xeral de pesca do Ministerio de Agricultura, Alimentación e Medio Ambiente valorou de forma «moi positiva» a renovación do protocolo de aplicación do acordo de pesca entre a Unión Europea e Seychelles porque asegura a continuidade da actividade pesqueira neste país.
O acordo rubricado este venres na capital das illas, terá unha duración de seis anos, o dobre que o protocolo anterior, e ten prevista a súa entrada en vigor en xaneiro de 2014.
Este acordo é o de maior importancia cuantitativa en termos de capturas para a flota atuneira española –a tripulación da cal está composta por numerosos galegos– e supón a continuidade dun partenariado estratéxico da UE en materia pesqueira e, en particular, para a flota española, que leva desenvolvendo a súa actividade neste caladero dende fai xa 30 anos.
O acordo incorpora axudas para as infraestruturas portuarias de Seychelles, fundamentais para a flota española española no Océano Indico, xa que a UE destinará a este protocolo 30 millóns de euros, dos que a metade serán destinadas á mellora destas infraestruturas.
