Vigo al día

Este sábado inaugúrase en Ifevi o Salón do Automóbil de Vigo

Así é, en Ifevi e cun total de 40 marcas, empeza este sábado o XXII  Salón do Automóbil de Vigo que estará aberto ate o vindeiro 5 de maio. O seu responsable salientou que mantén os 25.000 metros cadrados de superficie expositiva que estará ocupada por 31 firmas de coches e 9 de motos, ademáis de  ademais de 30 empresas relacionadas coa automoción.

Entre as novidades deste ano, destaca a a presentación de primicias como os Peugeot 2008 e 208 GTI, o Subaru BRZ e o Renault Captur e os novos vehículos eléctricos Peugeot Partner, este de procedencia viguesa, e Renault Zoe.

Como atracción desta edición, no eido das actividades paralelas, haberá, unha pista de karts con 2.000 metros cadrados de superficie e 10 vehículos e un posto para competir realizando o cambio de roda máis rápido nun coche de fórmula un. Tamén haberá homenaxes a Porsche e Renault e repiten o scalextric e os simuladores de condución.

Unha vez rematado o salón, do 9 ao 12 de maio celébrase Motorocasión, o salón de automóbil usado unha cita que os organizadores consideran do máximo interese tendo en conta que hoxe se venden 2,5 coches usados por cada un novo.

 

También te puede interesar