RGPD - Cookies
Galicia

O BNG cualifica de «asasinato da banca» a morte da muller que ía ser desafiuzada en Barakaldo

O Bloque Nacionalista Galego (BNG) advertiu de que o suicidio dunha muller este venres en Barakaldo cando ía ser desafiuzada é unha consecuencia da «banca asasina», polo que o cualificou de «asasinato». Pola súa banda, Anova, formación que lidera Xosé Manuel Beiras e que concorreu ás eleccións con Esquerda Unida dentro da coalición Alternativa Galega de Esquerda (AGE), reafirmouse en que «determinadas políticas e recortes en sanidade matan».

En rolda de prensa, o voceiro nacional do BNG asegurou que  a«banca asasina fai o que lle dá a gana porque quen ten a obriga de facer algo non o fai». Para Guiellerme Vázquez a morte de Amaia Egaña «é un asasinato, non hai outro cualificativo, e ten como cómplices quen lle permite iso».

Ao mesmo tempo, a voceira do Bloque no Congreso esixiu ao Goberno que «se deixe de xestos propagandísticas e actúe dunha vez contra os criminais bancarios, que están a levar a moita xente á morte». Olaia Fernández reclamou a «comparecencia urxente» do ministro de Xustiza, Alberto Ruiz-Gallardón, e a do presidente do Goberno para que «expliquen as medidas urxentes que van tomar» para parar os desafiuzamentos hipotecarios» e se «teñen previsto tomar medidas de apoio económico e social ás vítimas desta criminalidade».

 

También te puede interesar