A Garda Civil de O Barco de Valdeorras detivo a A.F.R., de 45 anos de idade, veciño de A Veiga, como presunto autor do incendio forestal de Rubiá que queimou 149 hectáreas de monte. O individuo pasou a disposición do Xulgado de Instrución número 1 do concello ourensán.
Segundo fontes do instituto armado, trátase dun traballador dunha empresa de mantemento do medio, que causou o lume facendo saltar faíscas a un monte mentres realizaba labores de limpeza e roza utilizando un tractor agrícola provisto dunha rozadora mecánica.
