Zapatillas, mochila e comida para pasar o día fóra da casa, paseando por rutas pensadas para o público familiar. O grupo de sendeirismo Andaina, da Asociación Cultural O Coto, organiza mañá a penúltima peque-ruta da tempada, un percorrido pola Illa de Arousa, na que se realizará a ruta do Faro. A saída: mañá domingo ás 11 horas dende as portas do Colexio Público do Carballal.
Unha fermosa ruta pensada para os nenos para abrir boca para a última andaina da tempada o vindeiro sábado 18 de xuño: unha peque-ruta nocturna pola senda litoral de A Guarda, sempre á beira do mar. A saída será ás 21:30 horas do Colexio Público do Carballal, en Cabral. As recomendacións son levar unha lanterna e roupa de abrigo por se refresca.
Apúntaste?
