Un grupo de investigadores da Universidade de Vigo foi capaz de demostrar tras un estudo no que colaboraron co grupo Neurocom da Universidade da Coruña, que o exercicio físico nun medio acuático frea o avance do Parkinson e mellora o nivel físico e psíquico dos pacientes. Este descubrimente permitirá abarcar novas estratexias para o tratamento dos enfermos, na actualidade limitada a fármacos ou a operacións cirúrxicas que non sempre dan bos resultados. A forza hidrostática e a flotación, xunto co carácter creativo dos deportes acuáticos abre un mar de posibilidades.
Durante tres meses e 25 sesións dedicadas á mobilidade articular, traballos musculares e desprazamentos, os pacientes experimentaron cambios positivos na súa calidade de vida, na evolución da enfermidade, na condición física e no grao de independencia en actividades, xa que os pacientes pasan de ter preto dun 88 a un 99% de autonomía.
