O Partido Popular de Salceda de Caselas vén de presentar ao seu candidato á Alcaldía nos vindeiros comicios electorais de maio de 2011. Arroupado por centos de militantes e simpatizantes, de diversos persoeiros do partido a nivel comarcal e rexional, destacando a presenza do secretario xeral do PP de Galicia, Alfonso Rueda e do presidente do PP Provincial de Pontevedra, Rafael Louzán, Santiago Rodríguez Davila, actual concelleiro e presidente do PP local foi presentado como o mellor candidato á Alcaldía e o próximo alcalde de Salceda de Caselas.
«Austero, planificado, comprometido e próximo aos veciños”, así definiu Rodríguez Davila o futuro Goberno local, “respectando a todos por igual sen ter en conta a súa opción política”, engadía. Nesta liña, o candidato pedía a todos os alí presentes “sacrificio, para conseguir un goberno que nos represente a todos, humildade e, sobre todo, respecto”.
