O alcalde entrevistouse hoxe co presidente do Real Club Celta, Carlos Mouriño, e co director xeral da entidade, Antonio Chaves, e amosoulles a importancia de que Vigo teña un clube na máxima categoría do fútbol español pola proxección da cidade en España e en Europa.
Abel Caballero ofreceu «cooperación e apoio« para que a sociedade consiga o obxectivo deportivo de retornar á Primeira División e lembrou o convenio asinado co Celta o pasado ano, que deu «luz verde» á saída do proceso concursal no que estaba inmerso.
