Será para formar parte do equipo nacional xuvenil que disputará a fase clasificatoria para o Campionato de Europa sub-18. A Federación Española de Balonman acaba de convocar ao xogador do Octavio Pablo Cacheda, un central de 18 anos que xa debutou esta tempada co primeiro equipo en Asobal.
Do 10 ao 13 de maio o equipo concentrarase en Xetafe para adestrar de cara a preparar o partido no que a selección buscará a súa clasificación para o Europeo. E a partires do 17 de maio os convocados estarán en Guadalaxara, onde se disputará esa fase clasificatoria. España xogará o venres 21 de maio contra Bielorrusia no Polideportivo David Santamaría de Guadalaxara (20:00 horas), o sábado 22 fronte a Israel (19:00 horas) e o domingo 23 contra Rusia (12:30 horas).
