Rap, regueifa, rima e ritmo unidos á improvisación, ao jazz, á performance ou ao desafío. Esas son as claves de ‘Duplo R 2010’, unha xornada de música na que se pretende achegar a cultura tradicional á xuventude coa fusión de distintas culturas. Será o vindeiro venres 26 de febreiro a partir das 19:30 horas na Sala Mondo.
Vigo é un gran expoñente da cultura urbana e, como tal, prestará artistas da talla de Coke e Wöyza, da productora Licor Kafé, Bieito Lobariñas e Luis Caruncho, Iolanda Zúñiga, Alberto Conde e a súa banda, Beatu’s Ille ou Proxecto Trepia. Non te perdas a oportunidade de coñecer algo máis destes rapeiros e regueifeiros cos que pasar unha divertida tarde.
A entrada é gratuita pero terás que recoller un pase na Casa da Xuventude, no Punto Xove, en Súbete ao Castro, no Servizo de Normalización Lingüística do Concello ou nos centros cívicos de Teis, Saiáns, Casco Vello e Coruxo. Sen el non poderás pasar.
