Vigo al minuto

O Concello quere recuperar os humedáis da Bouza, San Andrés e O Vao

A concelleira de Medio Ambiente, Chus Lago, durante a presentación do seu plan.
A concelleira de Medio Ambiente, Chus Lago, durante a presentación do seu plan.

A concelleira de Medioambiente, Chus Lago, anunciou que o seu departamento realizará melloras nos humedais da Bouza, de Goberna-San Andrés e do Vao para revalorizalos e dalos a coñecer á cidadanía viguesa. Segundo indicou, en dous meses estará rematado o estudo dos humedais e iniciarase a divulgación dos mesmos mediante trípticos, carteis informativos e incluso barállase a posibilidade de habilitar un paseo para ser visitados.

A edil socialista explicou que está a elaborar un informe pormenorizado para analizar a flora e a fauna que neles habitan e o efecto do entorno urbano sobre os mesmos.

Segundo indicou Chus Lago, as accións de preservación, revalorización e divulgación concretaranse unha vez estea rematado o estudo, ainda que xa avanzou algunhas medidas, como a edición de trípticos informativos, a instalación de cartelería e a posibilidade de habilitar un paseo para facilitar as visitas da cidadanía. A opción das visitas dependerá do impacto que poida ter para a fauna dos humedais.

O humedal da Bouza con 6.000 metros cadrados é o máis pequeno dos tres e tamén o máis urbano. O de Goberna-San Andrés conta con 22.000 m2 de superficie e é zona de paso para as aves. Por último, o do Vao, con 40.000 metros cadrados é o maior e sirve como espazo de aniñamento da fauna.

También te puede interesar