A vila máis segura de Pontevedra é, de novo, Redondela. Con 20,21 infraccións por cada mil habitantes, o municipio ten a taxa máis baixa de criminalidade dos grandes núcleos de poboación da provincia, como son Vigo, Pontevedra, Vilagarcía e Marín. Con estos datos, Redondela sitúase 27 puntos por debaixo da media española e 10 por debaixo da media provincial.
Ademáis no que vai de ano descenderon o número de delictos, aínda que aumentou lixeiramente o número de faltas ou pequenos furtos. Tamén descenderon as denuncias por violencia de xénero aínda que hai máis ordes de protección, concretamente 34, consecuencia das denuncias e posteriores sentencias de anos anteriores.
O subdelegado do goberno, Delfín Fernández, propuxo á xunta local de seguridade do municipio a creación dunha comisión en materia de violencia contra a muller, que teña como obxectivo a prevención e sensibilización social, e que estivese integrada por representantes municipais, de servicios sociais, dos servizos de protección ás mulleres, policía e representantes xudiciais.
