Ciencia y Tecnología Vigo al minuto

O Cunqueiro atenderá a cativos africanos con patoloxías graves logo de asinar un acordo coa ONG ‘Tierra de hombres’

De esquerda a dereita, a xefa de sección de Cirurxía pediátrica, Marga Montero; o xefe do servizo de Pediatría, José R. Fernández Lorenzo; o xefe de servizo de Traumatoloxía, Roberto Casal; o presidente de “Tierra de Hombres”, J.Raul Besada; o xerente da Área Sanitaria de Vigo, Félix Rubial; o pai da familia de acollida, Jorge Pena; e a xefa de sección de Hospitalización pediátrica, Mar Portugués.

O Hospital Álvaro Cunqueiro converterase este mesmo ano nun centro no que haberá cabida para a medicina solidaria. Así se desprende do acordo que asinado polo xerente da Área sanitaria de Vigo e o responsable da ONG “Tierra de hombres” en Galicia.

O obxectivo do acordo é atender a menores africanos que teñan patoloxías graves e que non poidan ser tratados nos seus países de residencia, pola complexidade de cada un dos casos.

O primeiro deses casos que se atenderá no Álvaro Cunqueiro será o dunha nena de Senegal de 11 anos, que foi atropelada por un coche hai uns meses e que necesita de coidados complexos para a súa total recuperación. Uns coidados para os que non se dispón de infraestrutura sanitaria no seu país.

Será un tratamento cirúrxico e asistencial de traumatoloxía, segundo explica o representante en Galicia de “Tierra de Hombres”. A nena chegará a Vigo a finais do mes de maio ou a primeiros do mes de xuño para ingresar no Álvaro Cunqueiro e someterse á operación e tratamento.

Mentres a nena teña que vivir en Vigo sen estar ingresada no hospital residirá no domicilio dunha familia voluntaria que xa foi contactada pola organización non gobernamental.

O segundo caso que se abordará este ano será despois do verán e tamén referido a  traumatoloxía pediátrica.

O acordo subscrito enmárcase dentro do programa “Viaje hacia la vida”, que a ONG subscribiu a nivel galego co Servizo Galego de Saúde. Facía falta que a área sanitaria de Vigo adherísese ao mesmo. Con ese fin asinouse o acordo.

A idea inicial é que no Hospital Álvaro Cunqueiro abórdense entre dous e tres casos ao ano, segundo as previsións dos seus representantes en Galicia.

También te puede interesar