vigoalminuto.com - Tu peridico digital

O propietario dos cans que atacaron a unha muller en Covelo, non cumprira ningún requisito legal relacionado cos mesmos

Posted by on Nov 6th, 2017 y archivado abajo 'Qué te cuentas?', Portada, Vigo al día. Puedes seguir cualquier respuesta a esta entrada en el RSS 2.0. Puedes dejar una respuesta o trackback a esta entrada

Os cans son da raza Dogo de Burdeos

O Centro de Acollida e Protección de Animais (CAAN), dependente da Deputación de Pontevedra, vén de acoller aos cans que atacaron a unha muller en Covelo esta fin de semana. Unha vez confirmado que se tratará o caso por vía penal, será o xuíz o que decrete o destino dos animais, se ben o máis probable é que o propietario perda os dereitos de propiedade sobre eles como primeira medida.

Os cans foron retirados por traballadores do CAAN do seu domicilio preto da pasada 1 da mañá, respondendo ao requirimento realizado polo instrutor do procedemento, a Garda Civil. “O propietario dos cans colaborou na entrega dos animais, facilitando a súa retirada e manexo”, sinalan dende a Deputación.

Tendo en conta os acontecementos, e aínda que os cans non mantiveron unha conduta agresiva ou desafiante, tomaronse fortes medidas preventivas para garantir a seguridade dos traballadores, propietarios e dos propios cans, tanto na carga como descarga, trasladándose un veterinario ao lugar da recollida para a sedacción dos mesmos.

“Os dous animais retirados carecían da identificación oficial obrigatoria e correspondían cun can adulto con características de raza dogo de burdeos e un cachorro de nove meses mestizo do anterior e bóxer”.

Os cans, que foron identificados mediante a implantación dun microchip polos veterinarios do CAAN no lugar da recollida, teñen boa condición corporal, aínda que presentan algúnhas patoloxías de escasa relevancia.  Nestes momentos están nas instalacións do CAAN na zona de corentena, apartados do resto dos cans do centro.

Segundo a normativa autonómica (decreto 90/2002 e lei 4/2017), ambos cans teñen a consideración de animais potencialmente perigosos, sendo necesario cumprir os requisitos previstos na normativa sectorial para a tenza dos mesmos: licenza administrativa, inscrición no rexistro municipal, medidas de seguridade no aloxamento e no acceso ás vías públicas e tenza de seguro, entre outros. Estes requisitos, sen embargo, non se cumprían no caso que acontece.

Be Sociable, Share!

1 Respuesta for “O propietario dos cans que atacaron a unha muller en Covelo, non cumprira ningún requisito legal relacionado cos mesmos”

  1. Francisco Gil Vázquez dice:

    Ademáis do irresponsable homicida do dono, o outro responsable é o alcalde, quen recoñeceu ter sido avisado do perigo que representaban estes cans a través de varios veciños.

Deja una respuesta

Anuncio
Publicidad
Publicidad de Vigo al minuto 2
ElektronikSigara - sex shop vibrator
Acceder / Vigo al minuto por VAM