vigoalminuto.com - Tu peridico digital

@depo_es ofrece unha fin de semana diferente a 1.500 persoas co programa ‘En ruta coa Depo’

Posted by on Sep 7th, 2017 y archivado abajo Ciencia y Tecnología. Puedes seguir cualquier respuesta a esta entrada en el RSS 2.0. Puedes dejar una respuesta o trackback a esta entrada

O programa da Deputación de Pontevedra “En ruta coa Depo” continúa a súa andadura esta fin de semana coa participación de máis de 1.500 persoas de 16 concellos da provincia nos itinerarios preparados pola institución provincial. En total, ata o domingo terán lugar 15 novas excursións que permitirán ás persoas participantes coñecer novos lugares da provincia de Pontevedra.

Este venres, 8 de setembro, un grupo de 54 persoas procedentes do Centro Sociocomunitario de Tui realizarán unha ruta que percorrerá a Ría de Arousa, O Grove e o xacemento da Lanzada.

O sábado haberá 6 novas excursións. 54 persoas da Asociacion de Veciños de Petelos de Mos farán unha ruta temática para visitar o pazo de Lourizán, o pazo de Gandarón e o pazo de Oca. Pola súa banda, tamén 54 persoas da Asociación Cultural e Deportiva Xestas, de Vigo, farán unha ruta por Baiona para visitar a Casa da Navegación, o paseo de Monte Boi e o paseo marítimo.

Ese mesmo día, 34 persoas de Afaga Alzheimer e 108 persoas do Centro Social Cultural e Deportivo As Pedriñas coñecerán a Illa de San Simón. Amais, 108 persoas da Asociación C. R. D. San Martín de Moreira farán un paseo en barco pola ría de Arousa e percorrerán a Illa da Toxa, O Grove e A Lanzada.

Tamén o sábado, 54 persoas da Asociación de Mulleres Rurais a Lagoa, do Grove, e 54 persoas da Asociacion Os Amigos de Camposancos, da Guarda, percorrerán as Illas Cíes e o barrio vigués do Berbés. Pola súa banda, 54 persoas da Asociación de Mulleres Intercambio do Saber, de Marín, xunto a outras 54 persoas da Asociación Veciñal e Cultural As Mimosas de Carracido, do Porriño, terán a oportunidade de coñecer a Illa de Ons e a localidade de Portonovo.

Xa o domingo, 108 persoas da Asociación Cultural San Vicente de Mañufe, de Gondomar, visitarán Cambados e os seus arredores mentres que 54 persoas da Asociación Veciñal e Cultural de Aranza, de Soutomaior, visitarán o conxunto histórico de Salvaterra do Miño.

Ata Cangas do Morrazo, facendo un percorrido polo seu conxunto histórico, chegarán 108 persoas da Asociación Veciños San Roque, de Vigo, e 54 persoas da Asociación de Veciños e Veciñas A Comunidade de Pias, de Ponteareas.

Ese mesmo domingo 10 de setembro, 54 persoas de ASEARPO poderán coñecer o Castro de Santa Trega, en A Guarda. Amais, 108 persoas da Asociación Veciñal “Praza da Miñoca” pasearán en barco pola ría de Arousa e percorrerán a Illa da Toxa, O Grove e A Lanzada.

Pola súa banda, viaxarán ata as Illas Cíes 54 persoas da Asociación Cultural Xeración Nós, 54 da Asociación Cultural e de Veciños Santa Bárbara de Portel, 54 usuarios e usuarias da Asociación Cultural Recreativa Ruliñas, e 54 persoas da Fundación las Samaritanas.

Por último, 108 persoas da Asociación Cultural A Feira, de Salceda de Caselas, e 54 da Asociación de Mulleres Rurais Anduriña de Arcade visitarán a Illa de Ons e 54 persoas do Centro Cultural e Deportivo Bolos da Carrasca de Parada coñecerán a Illa de San Simón.

Be Sociable, Share!

Deja una respuesta

Anuncio
Publicidad de Vigo al minuto 2
ElektronikSigara - sex shop vibrator
Acceder / Vigo al minuto por VAM