vigoalminuto.com - Tu peridico digital

514.907 galegos vacináronse contra a gripe e 130 morreron a causa desta enfermidade

Posted by on Abr 9th, 2017 y archivado abajo Galicia. Puedes seguir cualquier respuesta a esta entrada en el RSS 2.0. Puedes dejar una respuesta o trackback a esta entrada

O número de doses da vacina antigripal administradas á poboación galega ascendeu na última campaña a 514.907, o que supón 29.314 máis que na campaña anterior, é dicir, un 6% máis, consolidando así a tendencia dos últimos anos.

Por grupos, 370.540 destas vacinas corresponderon a persoas de 65 ou máis anos; 38.832 administráronse a persoas de 60 a 64 anos; e 105.535 foron para persoas de menos de 60 anos.

O número de persoas de 65 ou máis anos vacinadas aumentou en preto dun 4%, mantendo a súa tendencia ascendente dende o ano 2013. Se se analiza por subgrupos de idade acadáronse coberturas máis elevadas nas persoas de 75 ou máis anos, achegándose ao obxectivo -do 65%- e incluso superándoo nas provincias de Lugo e Ourense. Pola súa banda, nas persoas de 60 a 64 anos a cifra de vacinados foi arredor dun 10% superior á do ano pasado.

No que atinxe aos profesionais sanitarios, este foi o grupo onde máis melloraron os resultados, cunha cobertura do 33,45%, moi preto do obxectivo marcado para este sector -do 35%-. No eido da atención primaria vacináronse 2.432 persoas, o que supón un incremento do 25,24% con respecto á temporada anterior. En atención hospitalaria o aumento foi aínda maior, xa que se vacinaron 4.087 persoas, un 52% máis que na última campaña.

A campaña de vacinación desenvolveuse entre o 24 de outubro e o 23 de decembro do  ano pasado, período considerado óptimo para acadar unha cobertura adecuada de protección vacinal antes de que o virus comezase a circular.

O seu obxectivo principal foi minimizar o impacto en saúde da doenza na poboación mediante a súa prevención, tentando diminuír o número e gravidade das complicacións derivadas de padecela.

Neste sentido, a vacina reduce a incidencia desta enfermidade e, moi especialmente, diminúe a frecuencia de complicacións secundarias e o risco de hospitalización e morte relacionada coa gripe nas persoas maiores, con ou sen condicións médicas de risco, e noutras persoas con patoloxías previas.

O número de persoas falecidas nesta campaña por mor da gripe foron un total de 130; deles, todos tiñan a vacina indicada, pero máis dun terzo non a recibiran.

Be Sociable, Share!

Deja una respuesta

Anuncio

Publicidad de Vigo al minuto 2

ElektronikSigara - sex shop vibrator
Acceder / Vigo al minuto por VAM