Vigo al minuto

Convocan un calendario de protestas contra os novos despidos nos Eroski de Vigo

Tres dos sindicatos con representación no comité de empresa de Eroski veñen de convocar un calendario de mobilizacións para rexeitar os novos despedimentos en Eroski. Dende a CIG denuncian que a cadea de supermercados rescindiulles o contrato a sete traballadores nas últimas semanas –“para o que botou man da reforma laboral do PP- co obxectivo de desfacerse do persoal fixo, aumentando así a precariedade”.

O persoal de Eroski volverá a mobilizarse ás portas de distintos establecementos da marca para rexeitar a vaga de despedimentos das últimas semanas. En concreto, “a empresa vasca de distribución vén de rescindirlle o contrato a sete traballadores fixos e con antigüidade na compañía para substituílos por persoal eventual”.

Por iso, as centrais CIG, CGT e UGT convocan unha serie de concentracións ás portas de distintos supermercados da cidade. A primeira delas terá lugar este martes 21 no supermercado Familia de San Andrés de Comesaña de 11.00 a 13.00 horas; a continuación, o venres 24, trasladarán as protestas ao Eroski de Mos, tamén de 11.00 a 13.00 horas; a última mobilización está fixada para o vindeiro venres 31 de marzo no economato de Citroën, no barrio de Coia, entre as 11.00 e as 13.00 horas.

También te puede interesar