vigoalminuto.com - Tu peridico digital

@depo_es achega máis de 200.000€ do Plan Concellos ao pagamento de débedas e gastos de 4 vilas da provincia

Posted by on Feb 18th, 2017 y archivado abajo Portada. Puedes seguir cualquier respuesta a esta entrada en el RSS 2.0. Puedes dejar una respuesta o trackback a esta entrada

A Deputación de Pontevedra vén de aprobar a primeira das concesións, no marco da liña 2 do “Plan Concellos 2017”, para a amortización, pagamento de débedas e gasto corrente así como outros derivados da realización de actividades culturais, deportivas ou sociais.

Esta primeira das achegas aprobadas ten un valor de 209.933€ que serán destinados a catro concellos da provincia de Pontevedra: Catoira, Portas, Vila de Cruces e Vilanova de Arousa.

A presidenta do organismo provincial sinalou que “esta é unha liña moi relevante porque lles permite aos concellos facer fronte a todas estas actividades, e polo tanto garantir que as veciñas e veciños dos concellos da nosa provincia poidan desenvolver unha serie de proxectos imposibles de subvencionar sen os recursos da Deputación de Pontevedra”, así como facer fronte ás súas obrigas.

Deste xeito, subliñou Carmela Silva, “se esta liña non existira moitos deles non cumprirían as leis que marca o goberno do Estado e que formulan a obriga de pagar aos acredores en tempo, a reducir a débeda e tamén a facer fronte ao gasto corrente”.

En concreto,Catoira recibirá 40.889,75 € para o pagamento de acredores de gasto corrente, a Portas achegaranse 55.440,15 € para a amortización da débeda do concello, Vila de Cruces recibirá 96.663,20 € para gasto corrente novo e, por último,a institución provincial achega a Vilanova de Arousa outros 16.940 € para gastos derivados da actuación musical de verán da Festa do Mexillón e do Berberecho.

Este ano a achega total á liña 2 do Plan Concellos 2017 está situada en 6.180.000 €, o que supón o 15% da totalidade do Plan que, neste exercicio, conta cun orzamento de 41,2 millóns de euros, isto é, un 3% máis que o ano pasado.

Be Sociable, Share!

Deja una respuesta

Anuncio
Publicidad
Publicidad de Vigo al minuto 2
ElektronikSigara - sex shop vibrator
Acceder / Vigo al minuto por VAM