vigoalminuto.com - Tu peridico digital

Bombeiros de Ponteareas acudiron a máis de 30 incidencias durante o pasado temporal

Posted by on Feb 10th, 2017 y archivado abajo Comarcas. Puedes seguir cualquier respuesta a esta entrada en el RSS 2.0. Puedes dejar una respuesta o trackback a esta entrada

Bombeiros de Ponteareas atenderon máis de trinta incidencias en 72 horas durante o pasado temporal, no que o vento, máis que a choiva, provocou danos en vivendas e infraestruturas municipais. O rápido traballo dos Servizos de Emerxencia permitiu que a rede viaria municipal estivera operativa en case que toda a súa totalidade, a pesar das numerosas caídas de árbores.

Por primeira vez e ante os avisos de temporal, explica a concelleira de Tráfico e Seguridade Cidadá, Vanesa Fernández, “desenvolvéronse reunións de seguridade nos días anteriores, coa presenza de Bombeiros e Policía Local, de cara a analizar os posibles riscos e tratar de anticiparnos ás situacións de emerxencia que se puideran dar”. Entre as medidas adoptadas, “acordouse reforzar, só no caso de que fora estritamente necesario, o servizo de bombeiros que se presta todo o ano con dous traballadores por quenda ─algo que xa acontecía na época en que Juan Carlos González Carrera era concelleiro, xa que nunca houbo máis de dous traballadores por quenda─ con outros dous localizables á espera de activación se fora preciso”.

Aproveitou a concelleira para desmentir as afirmacións realizadas polo portavoz de ACIP, Juan Carlos González Carrera, sobre a titularidade do servizo de bombeiros e o seu persoal. Vanesa Fernández lémbralle ao portavoz de ACIP que “esta concelleira nin ten intención de despedir a ninguén nin expresou nunca a necesidade de que o parque fora privado”. E máis, engade Fernández, “insistía daquela e sigo insistindo agora, da necesidade de que o servizo de bombeiros provincial fora un servizo público e xestionado por unha entidade capaz de ofrecer unha resposta homoxénea e unánime ante calquera emerxencia”.

Por outra banda, matiza Vanesa Fernández, que é totalmente falso que sexa o 112 quen decida a prioridade das emerxencias “algo que na actualidade non sucede”. De feito engade a responsable de Seguridade Cidadá do Concello de Ponteareas, “a realidade e que estamos actuando como un subparque, xa que os bombeiros ponteareáns, non só atenden as necesidades do noso municipio, senón doutros sete concellos como son Arbo, A Cañiza, Crecente, Mondariz, Mondariz Balneario, As Neves y Salvaterra de Miño”.

As formulacións do portavoz de ACIP ─di Fernández─ “son tan desatinadas como se pensarmos que, no caso das ambulancias, por darse unha urxencia noutro lugar, Ponteareas quedaría sen servizo en caso de producirse outra”.

A importancia que o Goberno local dalle ao Servizo de Emerxencias Municipal, remata Vanesa Fernández, “queda ben demostrada polo feito de que no ano 2016 contratáronse ata cinco traballadores para o servizo e en xaneiro deste ano, temos solicitado a contratación de catro bombeiros máis”.

Be Sociable, Share!

Deja una respuesta

Anuncio

Publicidad de Vigo al minuto 2

Publicidad de Vigo al minuto 2

ElektronikSigara - sex shop vibrator
Acceder / Vigo al minuto por VAM