vigoalminuto.com - Tu peridico digital

@depo_es prorroga indefinidamente o peche do Castelo de Soutomaior logo dos danos causados polo temporal

Posted by on Feb 7th, 2017 y archivado abajo Ciencia y Tecnología. Puedes seguir cualquier respuesta a esta entrada en el RSS 2.0. Puedes dejar una respuesta o trackback a esta entrada

A Deputación de Pontevedra aprobou este martes prorrogar, indefinidamente, o peche do castelo de Soutomaior, tras os numerosos danos ocasionados polo temporal da pasada fin de semana. O venres 3 de febreiro a institución provincial alertou do peche dos castelos de Sobroso e Soutomaior pola grave situación climatolóxica e as alertas vermella e laranxa na provincia, pero os danos maiores e razóns de seguridade fan necesario que o de Soutomaior permaneza pechado ata que se poida determinar a súa apertura, unha vez se restableza a seguridade das persoas e que os danos ocasionados estean reparados.

O temporal afectou ao mobiliario e as estruturas, ademais de provocar a caída de numerosas árbores. Multitude de pólas fan o recinto intransitable, caso que se repite nas rutas de sendeirismo, cortadas pola caída de árbores no seu percorrido; ademais, outras pólas e copas se manteñen colgando con risco de caída. Foise a corrente eléctrica nas instalacións do castelo e o temporal ocasionou danos na carpa que emprega a Pousada.

Na entrada caeron dúas árbores que impedían o paso dos vehículos, esmagaron a varanda do muro e danaron dúas cordas do viñedo, en cuxa zona alta, ademais, caeu un eucalipto. Na parte baixa do parque caeu unha sobreira mediterránea centenaria, de máis de 20 metros de altura, que no seu derrubamento rompeu parte dunha camelia, tamén de máis de 100 anos de antigüidade. Próximo a esta, tamén caeu un cedro, que esnaquizou un dos bancos do parque. Outros dous cedros, no límite inferior do parque -a carón do aparcadoiro-, afectaron varias das maceiras da zona.

Tamén o invernadoiro sufriu importantes danos: o plástico atópase rachado e o obxecto que o recobre para proporcionarlle sombra foi arrancado. A estrada pola que se accede á capela tamén está cortada por mor da caída dun cedro; ademais, unha das súas pólas alcanzou o muíño.

Na parte do bosque hai unha gran cantidade de copas rotas e árbores arrancadas de raíz. As especies máis afectadas foron o ciprés, a acacia e o érbedo, aínda que tamén caeron algúns carballos, piñeiros e eucaliptos.

Be Sociable, Share!

1 Respuesta for “@depo_es prorroga indefinidamente o peche do Castelo de Soutomaior logo dos danos causados polo temporal”

  1. son eu dice:

    PARABÉNS AO DIARIO POLAS NOVAS DIARIAS E A CALIDADE XORNALÍSTICA.E SOBOR D TODO MEUS PARABÉNS SON PRA AS Q ESTÁN FEITAS NA NOSA FALA,POLA CALIDADE LINGÜÍSTICA DO GALEGO,MOI EN DESUSO DESGRAZADAMENTE E MÁIS AINDA NOS MEDIOS.DÌGOLO POR ESTA NOVA DOS CASTELOS,POIS FOI UNHA LEDICIA LELA.GRAZAS E A SEGUIREN!!!✌✊👍

Deja una respuesta

Anuncio
Publicidad de Vigo al minuto 2
ElektronikSigara - sex shop vibrator
Acceder / Vigo al minuto por VAM