Axentes da Policía Nacional tratan de confirmar a identidade de sete tripulantes do ‘Lady Boss’, un barco atracado no porto de Marín, que aseguran ser sirios, que piden asilo en España e que foxen da guerra que asola ese país.
O Servizo de Extranxeiría fíxose cargo do caso e, en primeiro lugar, os seus axentes tratan de verificar se efectivamente os tripulantes teñen nacionalidade siria. De seren así, a petición de asilo tería que ser estudada polo Goberno.