'Qué te cuentas?'

Dous colexios de A Lama e Fornelos de Monte, sen clase polos desperfectos causados polo temporal

temporal-arbol-caido

A Consellería de Cultura, Educación e Ordenación Universitaria suspendeu as clases no CEIP A Lama, no concello do mesmo nome, e no CEIP Doutor Suárez de Fornelos de Montes debido aos desperfectos ocasionados polo temporal de chuvia da pasada noite. Ambos os dous centros estaban realizando obras de cambio de cuberta.

A Xefatura Territorial da Consellería na provincia de Pontevedra está xa a analizar a situación, a través dos servizos de unidade técnica e inspección, para garantir a volta ás aulas coa máxima seguridade. Entre outras opcións, valórase trasladar o alumnado a outras partes dos centros menos afectadas, sempre despois de rematar os traballos de limpeza e acondicionamento necesarios tras o incidente.

Os directores deberán contabilizar agora os danos nas instalacións e material, cuxo arranxo e reembolso se esixirá ás empresas construtoras que se ocupan da obra en cada caso.

También te puede interesar