vigoalminuto.com - Tu peridico digital

O lume arrasa máis de 6.000 hectáreas de terreo nas últimas horas en Galicia

Posted by on Sep 8th, 2016 y archivado abajo Galicia. Puedes seguir cualquier respuesta a esta entrada en el RSS 2.0. Puedes dejar una respuesta o trackback a esta entrada

Imaxe de arquivo

Imaxe de arquivo

O lume leva arrasado nas últimas horas máis de 6.100 hectáreas de terreo en diferentes puntos de Galicia, principalmente en Ourense, onde tivo que decretarse en varios focos a situación 2 de alerta por cercanía a núcleos de poboación habitados.

É o caso do incendio na parroquia da Illa, no concello de Entrimo, un dos máis graves do verán en toda Galicia con unhas 2.500 hectáreas queimadas. O lume, que tamén afecta ao municipio colindante, Lobios, ten declarado o nivel de alerta e no seu control traballan 12 axentes, 39 brigadas, 24 motobombas, 2 pas, 8 helicópteros e 3 avións, ademais de efectivos dos Grupos de Emerxencias Supramunicipais e bombeiros comarcais.

Tamén mantense a alerta como medida preventiva no lume na parroquia de Vences, en Monterrei. O lume quedou estabilizado pouco antes das 07.30 horas desta mañá e afectou a 238 hectáreas. No seu control levan traballado 2 técnicos, 6 axentes, 18 brigadas, 10 motobombas, 1 pa, 4 helicópteros e 4 avións, xunto con efectivos de Protección Civil e bombeiros comarcais.

Tres incendios activos

Por outro lado, permanece activo o incendio de Navia de Suarna, aínda que xa sen alerta de situación 2. Segundo as primeiras estimacións, a superficie afectada é de 90 hectáreas. No lugar levan traballado 1 técnico, 7 axentes, 16 brigadas, 11 motobombas e 1 pa.

Tamén está activo outro dos incendios máis graves do verán, o do concello de Oímbra que, segundo últimas estimacións, afecta unha superficie de 1.500 hectáreas. Nos labores de extinción levan participado 3 técnicos, 20 axentes, 48 brigadas, 17 motobombas, 3 pas, 10 helicópteros e 4 avións, así como efectivos da Unidade Militar de Emerxencias (UME), medios da Deputación de Ourense, bombeiros municipais e efectivos de Protección Civil.

O lume de Boborás, nas parroquias de Brués e Xurenzás, tamén está activo e xa afectou a unhas 600 hectáreas. No seu control levan traballado 35 axentes, 72 brigadas, 48 motobombas, 2 pas, 4 helicópteros e 2 avións.

Sete incendios controlados, incluido o do Xurés

Os servicios de extinción de incendios dan por controlados ata sete lumes, incluido do rexistrado no concello de Muiños, que afectou a máis de 800 hectáreas de terreo, todas elas dentro do Parque Natural do Xurés. Tamén están controlados o incendio de Boiro, que afectou a 35 hectáreas; o de A Fonsagrada, que arrasou 104 hectáreas; o de Chantada, con 106 hectáreas afectadas; o de Lobeira, que arrasou 75 hectáreas de terreo; o do Carballiño, con 40 hectáreas queimadas; e o do Barco de Valdeorras, que afecta a unha superficie de 25 hectáreas.

Be Sociable, Share!

Deja una respuesta

Anuncio

Publicidad de Vigo al minuto 2

ElektronikSigara - sex shop vibrator
Acceder / Vigo al minuto por VAM