O comité de empresa de Clece, contrata da limpeza de PSA Peugeot Citroën en Vigo, anunciou a convocatoria de dúas xornadas de folga para os vindeiros días 2 e 3 de setembro para rexeitar os incumprimentos da normativa laboral e dos pactos entre dirección empregados.
Os traballadores desenvolverán tamén varias concentracións na sede de Clece e nas instalacións de Citroën coincidindo cos paros.
Con estes paros trátase de denunciar o alto índice de incumprimento da normativa laboral vixente e dos pactos alcanzados entre a empresa e a representación do cadro de persoal. Ademais, os empregados queren amosar o súa disconformidade coas decisións adoptadas de xeito unilateral pola dirección de Clece que implican o traslado forzoso de persoal a outros centros de traballo na provincia.
As mobilizacións serán o venres día 2 de setembro diante da sede de Clece, na Praza de América, de 11.00 a 12.00 horas e de 13.15 a 14.15 horas. Xa pola noite, entre as 21.15 e as 22.15 horas, trasladarán as protestas ás portas das instalacións de Citroën.
