Publicidad de Vigo al minuto 1

vigoalminuto.com - Tu peridico digital

A Marea informará aos veciños de Vigo sobre o seu dereito a reclamar o que pagaron de máis no IBI coa anulación do Plan Xeral

Posted by on Dic 10th, 2015 y archivado abajo Portada, Vigo al día. Puedes seguir cualquier respuesta a esta entrada en el RSS 2.0. Puedes dejar una respuesta o trackback a esta entrada

IMG_20151201_104428A Marea de Vigo creará un grupo de traballo, integrado por economistas, arquitectos, urbanistas, membros de asociacións locais e representantes da cidadanía para estudar as bases do novo Plan Xeral de Vigo, logo da sentencia do Tribunal Supremo que declarou nulo o de 2008.

O voceiro da Marea, Rubén Pérez, adiantou que ademáis, o seu grupo informará aos cidadáns sobre o dereito que teñen a reclamar as cantidades que se lles cobraron de máis no Imposto de Bens Inmobles (IBI), a popular ‘contribución’, logo da anulación do Plan Xeral. Esta cantidade, a xuizo de A Marea, terá un impacto considerable nos orzamentos municipais de 2016, “como xa sucedeu noutras cidades do Estado, como León ou Alacante, nas que tamén se anulara o Plan Xeral, e que tiveron que afrontar pagos polo cobro de máis da contribución, logo das reclamacións, moitas delas xudiciais, interpostas polos veciños”.

A Marea repetiu que é preciso redactar un novo Plan e que, “en contra do que se di dende o goberno local”, non bastará con retocar o anulado. Neste senso, Pérez advertiu que o seu grupo non consentirá que se legalicen actuacións urbanísticas ilegais, como as ‘Torres de García Barbón’ e esixirá o cumplimento das sentenzas, mesmo as de derrubo.

Á vista destas circunstancias, A Marea espera que no Pleno Extraordinario convocado para o vindeiro día 22, o goberno local presente un informe no que se detalle o impacto económico da anulación do Plan Xeral, e alerta de que a incidencia do cobro da ‘contribución’, calculado nos orzamentos nuns 60 millóns de euros na partida de ingresos, “non vai ser menor” e que terá incidencia na situación económica do Concello, como xa sucedeu noutras cidades que tiveron que afrontar situacións semellantes.

Be Sociable, Share!

Deja una respuesta

Anuncio

Publicidad de Vigo al minuto 2

ElektronikSigara - sex shop vibrator
Acceder / Vigo al minuto por VAM