Lúa Piñeiro e Katya Calvar, prata e bronce no internacional de taekwondo de Marrocos | Vigo al minuto
vigoalminuto.com - Tu peridico digital

Lúa Piñeiro e Katya Calvar, prata e bronce no internacional de taekwondo de Marrocos

Posted by on Nov 30th, 2015 y archivado abajo Deportes. Puedes seguir cualquier respuesta a esta entrada en el RSS 2.0. Puedes dejar una respuesta o trackback a esta entrada

MarrocosDúas medallas para deportistas galegas no Open Internacional de Marrocos (G-1), que se celebrou esta pasada fin de semana. Lúa Piñeiro (Natural Sport Ribeira) logrou a medalla de prata (e quedou moi preto do ouro) e Katya Calvar (Mat´s) foi bronce en -67 quilogramos. Ademais, hai que destacar o bo traballo dos outros dous deportistas galegos presentes en Agadir: Borja Ríos (Hebe) e Sara García (Dobok) quedaron eliminados nos cuartos de final, a só un pasiño das medallas.

Lúa e Katya competían no mesmo peso. Así, Lúa foi superando obstáculos a pesar de ter o xeonllo un pouco tocado. Primeiro eliminou a Sofia Reis (Cabo Verde) por 3-7 e despois a española Lourdes Navarro (1-2). Na semifinal tería que enfrontarse a Katya, pero non competiron e así chegou á final un pouco máis descansada. A exipcia Seham Elsawalhy, unha boa taekwondista con resultados destacados pero a que Lúa xa gañou este mesmo ano, era a rival no último combate. A pelexa estivo moi igualada, tanto que se decidiu por decisión arbitral, na que os xuíces tiraron a favor da exipcia.

Pola súa banda, Katya gañou dous combates: A Souhila Smaili (Alxeria) por un rotundo 1-13 e á marroquí Hakima El Meslahy (número 3 do ranking) por 6-9. Gran participación de Katya. Ademais, Borja Ríos (-63) logrou vencer en dos combates. Superou ao marroquí Azze-Elarab Tairech (17-4) e a Hasain Mohammed (13- 11). Nos cuartos, coa medalla a só un pasiño, caeu pola mínima contra Ayoub Bayejou (9-8).

Por último, destacar a actuación de Sara García (-57), que gañou o primeiro combate contra Zahra Kouache (7-11) e caeu fronte á representante de Canadá Evelyn Gonda por 1-2. Gonda (número 2 do ranking) foi a medalla de ouro neste campionato.

Be Sociable, Share!

Deja una respuesta

Anuncio

Publicidad de Vigo al minuto - Deportes

ElektronikSigara - sex shop vibrator
Acceder / Vigo al minuto por VAM