Galicia

Feijóo advirte que Galicia tomará unha decisión sobre a vacina da meninxite B se o Goberno non facilita a súa venda en farmacias

VacinaO presidente do Goberno de Galicia salientou este xoves que o Ministerio de Sanidade “debe facilitar” que a vacina do meningococo B se dispense en farmacias e advertiu de que, se este paso non se produce, “Galicia estudará a posibilidade de impulsar un programa piloto sobre esta vacina”, unha vez consultados os pediatras e epidemiólogos.

Na rolda posterior ao Consello, preguntado acerca de se o Servizo Galego de Saúde (Sergas) se formula incorporala ao calendario, o presidente, tras lanzar “unha mensaxe de tranquilidade” e incidir en que no calendario de vacinación de “tódolos nenos” está a do meningococo C e que neste momento en Galicia hai “cero casos”, mentres que, na do B, se actúa de inmediato dende os hospitais públicos se hai “calquera sospeita de infección” ou “factores de risco”, Feijóo explicou que Galicia vai volver falar deste asunto con Sanidade.

Feijóo incidiu en que o Goberno galegoo “entende” que o ministerio debe facilitar que esa vacina se poida dispensar nas farmacias, “espero que a semana próxima, despois das eleccións, poidamos ter unha conversación máis tranquila e sosegada”, remarcou, para engadir que Galicia non descarta analizar con expertos a opción de emprender un “proxecto piloto” sobre esta vacina.

También te puede interesar