vigoalminuto.com - Tu peridico digital

A mascota da Volta 2013 é das Rías Baixas

Posted by on May 6th, 2013 y archivado abajo Portada, Vigo al día. Puedes seguir cualquier respuesta a esta entrada en el RSS 2.0. Puedes dejar una respuesta o trackback a esta entrada

Por primeira vez, a provincia de Pontevedra acolle a saída oficial da Volta Ciclista España que terá lugar o 24 de Agosto, así como as catro  primeiras etapas que transcorrerán pola provincia: Vilanova-Sanxenxo, Vigo-Mirador do Monte Lobeira, Pontevedra-Baiona e Lalín/A Estrada-Fisterra (A Coruña).

Este ano “a Deputación quere aproveitar o tirón  da 68 edición da Volta Ciclista a España 2013 para promocionar o destino provincia de Pontevedra-Rías Baixas por todo o país” e para dar a coñecer as paisaxes, produtos, cultura, historia, festas encantos naturais ou posibilidades de ocio. Para elo, segundo anunciou este luns o presidente de organismo provincial, este investirá de 123.400€ , “un esforzo que serve para todos e sobre todo, para o espectro socioeconómico das Rías Baixas”, asegurou Rafael Louzán.  Deste xeito,  vaise promocionar a provincia de Pontevedra nas 21 saídas e 21 metas e por todo o itinerario que vai percorrer a volta ciclista.

Para aproveitar o gancho da Volta darase a coñecer un dos produtos máis representativos das Rías Baixas e de Galicia: o mexillón, primeiro produto do mar en Europa en obter o distintivo de calidade “Denominación de Orixe Protexida” como así manifestou o Presidente do Consello Regulador do Mexillón de Galicia, Francisco Alcalde.

A campaña acadará unha ampla repercusión _a través de TVE, La 2 e Teledeporte así como nas chegadas e saidas de etapa e no curso da carreira que, o ano pasado, tivo 2,2 millóns de espectadores en directo nas propias estradas, a través dunha serie de novidades:

Pepe Carreiro, autor do deseño de Mexi-Llón facendo o debuxo da mascota na rolda de prensa deste luns

A instalación do punto de partida da volta ciclista nunha batea no porto de  Vilanova de Arousa e a creación dunha primeira mascota de todas as edicións da Volta Ciclista a España: “Mexi-llón” deseñada polo un humorista gráfico, Pepe Carreiro, autor de Os bolechas.

El diseñador de la mascota, el presidente de Mexilón de Galicia, el presidente Louzán y el director general de Unipublic, en la presentación de Mexi-Llón

Ao mesmo tempo editarase o conto “Mexi-llón, un ciclista das rías baixas”, un libro contén seccións como un mapa co percorrido da volta 2013 e recomendacións para os ciclistas –como poñer casco, ir en compañía, ou indicar os movementos -. O protagonista é un mexillón con Denominación de Orixe Galega que vive nunha batea e que quere ser ciclista. O libro editou 5.000 exemplares en galego e 10.000 en castelán, e repartiranse  por toda España.

Mexi-Llón’ será o protagonista, ademáis, dun xogo semellante ó xogo da Oca con saída e chegada nas Rías Baixas e que levará ós xogadores polo itinerario da volta e estará como mascota da volta Ciclista, en todas as saídas e metas das distintas etapas da volta.

A todo elo engádese a presenza de dous vehículos rotulados co “Destino Rías Baixas” e coa imaxe do mexillón que percorrerá as etapas para facer promoción directa regalando folletos e produtos de merchandising; se instalará un denominado “Parque meta” con 10.000 metros cadrados de exhibición e acceso gratuíto en horario de 17:00 a 21:00 horas para achegarse ó público familiar e a Deputación instalará un stand inchable onde nenos e maiores poderán xogar ó xogo do mexillón a tamaño real.

Toda esta actividade promocional compleméntase coa campaña “Espíritu Rías Baixas” na que priman as novas tecnoloxías, as redes sociais, os vídeos e as imaxes… para activar o interese e o desexo de calquera espectador a través da transmisión de sensacións, texturas ou imaxes.

Na rolda de prensa, na que se fixo a presentación desta novidade, estivo presente Javier Guillén, director xeral de Unipublic, entidade orgaizadora da Volta, quen confirmou a presenza na carreira de ciclistas como Purito Rodríguez, Alejandro Valverde, Iván Basso, Fabián Cancelara, Samuel Sánchez e, “cunha porcentaxe alta de seguridade”, Alberto Contador.

 

Be Sociable, Share!

Deja una respuesta

Anuncio

Publicidad de Vigo al minuto 2

ElektronikSigara - sex shop vibrator
Acceder / Vigo al minuto por VAM