Publicidad de Vigo al minuto 1

vigoalminuto.com - Tu peridico digital

Katia Calvar e Laura Oubilla, medallistas galegas no Open de españa de Taekwondo

Posted by on May 5th, 2013 y archivado abajo Deportes. Puedes seguir cualquier respuesta a esta entrada en el RSS 2.0. Puedes dejar una respuesta o trackback a esta entrada

Nun Open de España cun nivel altísimo, Katia Calvar (-57, Mat´s) parecía a máis veterana e competiu cunha tranquilidade incrible e ante as mellores deportistas do mundo. Así, logrou a medalla de ouro no Open de España, de clase A, que se está a celebrar en La Nucia (Alacante). Ademais, Lara Ouviña logrou unha meritoria medalla de bronce.

Katia non tivo nin un chisco de sorte no sorteo: No primeiro combate tocoulle unha turca, feito que podía significar que rematara moi pronto a súa aventura, pero non. Katia logrou superar a Sila Rumeysa Olcek nun combate duro e axustado (5-3). Pero na segunda rolda esperaba unha iraniana, outra rival das máis duras, e novamente Katia amosou unha impresionante seguridade e confianza e gañou nun apertado combate (2-1). No terceiro, tivo un pequeno respiro contra a portuguesa Ana Rita Lopes (11-0), para seguir nesa loita sen tregua contra Ekaterina Kim (Rusia). Eran xa as semifinais e o que estaba en xogo era unha praza na final, polo que a deportista do Mat´s tivo que loitar ata o último segundo (3-2) pero asegurou como mínimo unha medalla de prata.

Claro que xa quería o premio completo, e volveu a sufrir, amosando unha veteranía que non ten, xa que é unha deportista moi nova, aínda que leva anos gañando tanto a nivel galego, coma estatal e incluso internacional. Enfronte tiña a Eva Calvo, que eliminara a campioa olímpica Jade Jones, pero Katia superou o cansanzo e volveu a amosar unha tremenda fortaleza mental para gañar a medalla de ouro no punto de ouro. Sen dúbida, un resultado espectacular para a deportista galega.

A deportista do Natural Sport Riveira Lara Ouviña (-62 quilogramos) acadou a medalla de bronce. E non tivo un percorrido sinxelo a galega: No primeiro combate enfrontouse a Michaela Pinkavova (Bran Bretaña) e logrou un triunfo amplo (7-2) que lle deu confianza cara ao segundo choque no que tivo que loitar contra Leyre de Haro (Valencia). Sen problemas para Lara que dominou de principio a fin (7-0). Na terceira rolda a cousa complicouse e moito, xa que enfronte tiña a Diana Vázquez, do CAR de Barcelona, e Ouviña loitou coma una guerreira para terminar logrando o triunfo no punto de ouro (7-6). E así concretou a súa medalla de bronce.

Na loita por meterse na final non tivo sorte. A semifinal foi contra Marta Calvo (Madrid) e caeu pola mínima (2-1), pero suficiente para cortar o seu percorrido para a final.

Ademais, hai que destacar a actuación de Lúa Piñeiro e Borja Ríos, que estiveron moi preto do bronce. Lúa ía gañando no combate de cuartos (8-5), pero levaba acumulados 7 kiongos, e ao oitavo quedas descualificado. Ao saír dun intento de mongolio (golpe con xiro) caeu e o xuíz cantou kiongo e perdeu o combate pese a ir por diante no marcador.

Pola súa banda, Borja Ríos ía empatado no marcador no seu combate de cuartos, ata o último segundo. Aí o seu rival logrou alcanzalo e quedou a un suspiro da medalla.

 

Be Sociable, Share!

Deja una respuesta

Anuncio

Publicidad de Vigo al minuto - Deportes

ElektronikSigara - sex shop vibrator
Acceder / Vigo al minuto por VAM