vigoalminuto.com - Tu peridico digital

Feijóo asegura na mensaxe de Fin de Ano que @s [email protected] “están presentes en cada decisión do Goberno galego”

Posted by on Dic 31st, 2012 y archivado abajo Galicia. Puedes seguir cualquier respuesta a esta entrada en el RSS 2.0. Puedes dejar una respuesta o trackback a esta entrada

Dende a casa de Rosalía de Castro, o presidente da Xunta apelou hoxe, na mensaxe de Fin de Ano, á unidade das forzas políticas “para saír adiante antes e con máis forza”. “Hoxe, todos podemos defender Galicia, cadaquén desde as súas responsabilidades. O meu compromiso é defender Galicia desde o Goberno galego. E a miña esperanza é poder facelo cada vez con máis achegas, cada vez con máis colaboración, do resto das forzas políticas e especialmente do principal partido da oposición”, aseverou.

Feijóo asegurou que esa unidade é demandada polos cidadáns e convidou a que o novo ano 2013 permita alcanzala, e que Galicia poida seguir sendo un modelo neste eido, como xa o é a día de hoxe noutros ámbitos. “Igual que nos anticipamos en decisións fundamentais para o futuro como a eficiencia, a disciplina orzamentaria ou a planificación, por qué non facer de Galicia tamén un paradigma de unidade política”.

O xefe do Goberno galego reiterou o compromiso da Xunta cos desempregados. “Quero que saiban que están presentes en todas e cada unha das decisións que o Goberno galego adopta. Xunto a eles libramos unha loita na que contamos coa solidariedade dos que afortunadamente temos traballo nestes tempos difíciles. Máis cedo que tarde, entre todos, lograremos cambiar a situación”.

O presidente afirmou que tanto no exterior coma no interior, a nosa forma de ser impúlsanos cara a tarefas conxuntas: “Cara fóra, Galicia é unha comunidade estable, con rumbo seguro e horizonte certo, que camiña a carón de España e Europa. E cara dentro, Galicia forma unha gran familia unida polos problemas e polas solucións. A galeguidade –dixo- non é outra cousa que unha man tendida ao galego que temos ao noso lado, e aos que comparten con nós unha mesma visión do progreso e da liberdade”.

Feijóo deu fe do prestixio que iso supón cando Galicia se fai presente no exterior. “Visto con ollos alleos, o noso país mestura tradición e modernidade. Somos o emigrante capaz de compartir a fidelidade á súa terra de orixe, co compromiso coa súa terra de adopción. Somos a gran empresa e a multinacional que innova, que compite, que é fiable. Somos o pobo que ten logrado manter e mellorar os seus servizos públicos, malia a incerteza xeneralizada na nación española. Somos o equipo que, en distintos lugares e disciplinas, ten logrado grandes éxitos deportivos neste ano que remata. Somos respectados e queridos, e por iso non resulta ilusoria a idea dunha Galicia global, que faga posible que nós esteamos no mundo e que o mundo estea en nós”.

Desde a casa natal de Rosalía, Feijóo quixo lembrar que o ano próximo cumprirase o cento cincuenta aniversario da publicación de Cantares Gallegos e tamén medio século da instauración do Día das Letras Galegas. E asegurou que a Galicia que a escritora e tantos coma ela soñaron, estámola facendo hoxe.

“As negras sombras do noso presente teñen enfronte á sociedade galega que, unida polos vencellos da concertación, a cooperación e o entendemento, é perfectamente capaz de saír adiante. Porque, por riba de todas as dificultades, está a forza da nosa xente”, sentenciou.

Deste xeito, Feijóo concluíu salientando que os máis maiores, que lembrarán os tempos duros do pasado nos que parecía perderse a esperanza; e os máis novos, que sentirán a forza para continuar coa transformación; “todos son Galicia”. “Todos danlle ao noso país unha enerxía que fará do 2013 un tempo para empezar a rexurdir”.

 

Be Sociable, Share!

1 Respuesta for “Feijóo asegura na mensaxe de Fin de Ano que @s [email protected] “están presentes en cada decisión do Goberno galego””

  1. Enrique Armesto Faginas dice:

    Sr. Feijoo, esto de los mensajes de navidad y fin de año, es todo un cachondeo.
    ¿Alguien le puede creer a usted? Yo, estoy seguro que muy poquitos.
    Es mejor no decir nada, estar calladitos, que contarnos siempre las mismas mentiras.
    Tiene suerte que “la gran Rosalía”, que aparece allá al fondo de la fotografía, hoy no puede más, que ser testigo mudo de sus palabras, de lo contrario, seguro, que saldría en defensa, como siempre hizo, de los pobres gallegos y hoy la necesitan y mucho.
    En definitiva, tradicionalidad en los mensajes, pero con contenidos vacíos y llenos de incumplimientos, para entendernos, todo mentiras.
    No se vislumbran mejores augurios para el 2013. Menuda panda de políticos, que nos han tocado en suerte.

Deja una respuesta

Anuncio

Publicidad de Vigo al minuto 2

ElektronikSigara - sex shop vibrator
Acceder / Vigo al minuto por VAM