vigoalminuto.com - Tu periódico digital

Frear a fuga de cerebros desde que se matriculan

Posted by on Feb 28th, 2011 y archivado abajo Ciencia y Tecnología, Galicia. Puedes seguir cualquier respuesta a esta entrada en el RSS 2.0. Puedes saltar al final y dejar una respuesta. Pinging no está actualmente permitido.

Duvi/ Uns premios que responden a “un egoísmo san de ter aos mellores con nós”. Así quixo explicar Ignacio Barcia, vicerreitor de Alumnado, Docencia e Calidade, o que representan os Premios á Excelencia Académica ante a meirande parte dos 36 galardoados, un premio co que se agasalla aos expedientes de Secundaria máis brillantes e co que se lles agradece que escollan “á universidade viguesa para continuar cos estudos”. Os premiados, todos rapaces e rapazas que se matricularon este ano por primeira vez na Universidade de Vigo e que ou ben gañaron algunha olimpíada científica ou remataron o Bacharelato cunha nota superior a un 8,5. Uns ‘cerebros’ galegos dos que se pretende evitar a fuga. “Entendemos que se nos rodeamos dos mellores tamén nós seremos mellores”, recordou Barcia durante a entrega de premios.

Como agasallo, unha ferramenta de traballo para que os axude na súa tarefa diaria para manter eses expedientes sobresaíntes: un netbook, un ordenador portátil co que se pretende “estimular” ao novo alumnado e acadar as expectativas mutuas que estudantes e universidade teñen depositados para este curso. Pero para que o acto de entrega non se convertera nunha cerimonia de “adoración a un tótem das novas tecnoloxías”, o vicerreitor quixo entregarlles ao novo alumnado tamén un lapis, “unha ferramenta moito máis humilde pero asombrosa, tecnicamente impecable e que serve para o estímulo do pensamento e a xeración e transmisión do coñecemento tanto como o ordenador”, subliñou Ignacio Barcia.

Todos saen gañando

Estes galardóns convértense nunha dobre vía de satisfacción para a Universidade de Vigo, xa que ter un alumnado prometedor é a mellor forma de estimular aos propios docentes. Como xa dixera hai anos Gabriel García Márquez, premio Nobel que dedica gran parte do seu tempo á docencia, “no fondo a verdadeira razón para facerse profesor é que é a mellor forma de continuar aprendendo. Por iso é un luxo ter a bos estudantes”, aclarou Barcia.

Dende os ‘fichaxes’ feitos pola Universidade de Vigo este agarimo en recoñecemento polo seu expediente académico é un xeito de animalos a continuar con eses brillantes currículos “aínda que non sexa en todas as materias, que non é tan sinxelo. Gústame moito esta universidade, porque tanto profesores como dirección son moi atentos e quixera seguir destacando, saber que o que fago e que todo o meu esforzo dá os seus froitos”, asegura Natalia Martins, que co seu 9,8 de nota media en Bacharelato escolleu a universidade viguesa para cursar os seus estudos de Dirección e Administración de Empresas.

Be Sociable, Share!

Deja una respuesta

Anuncio
Publicidad de Vigo al minuto 2
ElektronikSigara - sex shop vibrator
Acceder / Vigo al minuto por VAM