Varios grupos vigueses de hip hop terán a posibilidade de amosar o seu traballo ao público vigués no auditorio de Castrelos hoxe a partir das 22:00 horas, antes da actuación de Public Enemy, no que é o concerto de apertura do Marisquiño.«Tivemos moitas peticións en numerosos foros para que se lle dera cabida aos grupos de gran calidade que temos na nosa cidade e por iso decidimos xuntalos na primeira parte do concerto baixo a denominación de Vigo All Star, na que o público poderá gozar coa música feita aquí. E xa na segunda parte, Public Enemy, os reis do hip hop, que chegan a Vigo xa con catorce discos no mercado«, indicou o concelleiro de Cultura durante a presentación do mesmo.
O concelleiro explicou que un dos obxectivos da nosa concellería é crear as plataformas para que os axentes, neste caso musicais, teñan a posibilidade de poder amosar as súas creacións, o seu traballo. «Dentro da programación das Festas de Verán temos o programa Vigo Urban, dedicado principalmente aos grupos vigueses, e este ano ademais decididos darlle un espazo dentro do concerto de apertura do Marisquiño e compartindo cartel con Public Enemy».
O director do Festival O Marisquiño, Carlos Domínguez, Pity, destacou o feito de que se incrementou a oferta musical de «un día a catro» e tamén a importancia de «apoiar a escena de Vigo. Se temos a posibilidade de facelo, non o dubidamos».
O director do Festival O Marisquiño, Carlos Domínguez, Pity, destacou o feito de que se incrementou a oferta musical de «un día a catro» e tamén a importancia de «apoiar a escena de Vigo. Se temos a posibilidade de facelo, non o dubidamos».
No rolda de prensa tamén estiveron presentes «Pániko», de «Pániko en las calles» e Coque, de «El puto Coque», que serán os artistas vigueses que protagonizarán a primeira parte do concerto do xoves día 5 de agosto (22:00 horas), xunto a un grupo de invitados. Ambos coincidiron en subliñar que «imos concentrar o mellor do noso traballo e esperamos que o público poda gozar con nós».
Este concerto de apertura terá o nome de «Vigo All Stars» e comprende a participación de varios grupos que irán en dúas tandas: -Puto Coque + os seus convidados (WÖYZA, SEILAESENCIA, VALDA E SALE)
-Paniko en las Calles + os seus convidados (XOKO SUIZO, DRUMDRAMA, ANUBIS METAL JACK, EL SEIS E DJ LIMBO).
O prezo das localidades é de 10 euros en venda anticipada e 12 euros en despacho de billetes. Puntos de venda: Servinova, central de Espectáculos (R/ Velázquez Moreno) e no despacho de billetes de Castrelos
Este concerto de apertura terá o nome de «Vigo All Stars» e comprende a participación de varios grupos que irán en dúas tandas: -Puto Coque + os seus convidados (WÖYZA, SEILAESENCIA, VALDA E SALE)
-Paniko en las Calles + os seus convidados (XOKO SUIZO, DRUMDRAMA, ANUBIS METAL JACK, EL SEIS E DJ LIMBO).
O prezo das localidades é de 10 euros en venda anticipada e 12 euros en despacho de billetes. Puntos de venda: Servinova, central de Espectáculos (R/ Velázquez Moreno) e no despacho de billetes de Castrelos
